|
|
September 03 8月到法國走了一ROUND, 感覺十分好, 因為我體會到 神的看顧和保守是超乎所想所望。
今年年頭和一位朋友傾計,她和她的中學同學打算8月跟團去埃及, 於是我便問她可否加入, 她們答應。但後來真係報團時大家都有D縮沙。 無它, 因為聽聞當地每天都50度C 以上,卻步係理所當然。加上我提議朋友自由行法國,大家都轉軚。3月尾4月頭我地訂CATHAY去法國自由行機票連3晚巴黎酒店,就係之後無耐爆發 H1N1。其中一位團友係護士, 真係好怕佢去唔到。但機票錢都交畢,唯有繼續計劃行程。首先要攪掂住宿和交通,於是上網找B&B和租車, 一開始問過几間都回覆沒有房, 要不是房錢貴左或地方太遠。鑑於去年德國自由行的失敗經驗, 所以我好心急想早點訂好住房。然後之後事情開始順利,在五月到澳洲參加亞拉夫樂運動會時,終於訂妥每天的住宿。
六月澳門失守, 有HIN1案例, 在疫病的陰霾下,一切都繼續進行, 訂了一台1.8 公升的手波WAGON, 問了朋友借了有歐洲地圖的GPS,訂了火車票,換了錢, 買了保險, 辦了國際車牌, 傾埋了行程等順利一一完成。到了8月2日晚,H1N1警戒級別去到第六級藍, 但我們全部人都可以坐船到香港機場出發去法國了。好感謝神, 因為大家都沒有患病而不能乘行。 我們的行程是由香港經倫敦到尼斯, 尼斯停留的三天, 我們有到NICE舊城區、摩納哥和 St Paul小城玩過。第四天, 我們到火車站取預先頂好的車,自駕游PROVENCE。在取車時, 租車公司要求我的澳門駕照加國際駕照才肯租, 但我卻沒有帶澳門那個, 因為我習慣不用的東西不會帶去旅行。那時我即刻成個人呆左, 因為沒有駕照是去不到我們住的地方和遊覽行程的地點。好感謝神, 因為同我SHARE開車的PARTNER, 她無意地帶了澳門車牌, 咁改為她租車。事後她本人對我講其實佢都唔知點解帶出來。更奇妙的事同一天再發生, 本來訂的手波1.8WAGON沒有貨, 租車公司改了一台2.0 公升柴油 PIGEOT 307給我們。我記憶所及, 兩部車的車租差200~300 EURO, 現在我們花430 EURO就可以租一台連全保和高兩級的車,又加上柴油比汽油平20%價錢, 慳了不少錢。然而後來才知不是單單係慳錢咁簡單,因為沒有這台車我們就無法順利自由行, 而奇妙事件繼續發展......
到停車場取車, 安裝朋友的GPS和打開目的地位置,當調較好車位和几塊鏡後, 打火之後便伴隨有生以來第一次駕駛左軚車、在澳門以外開車(而且極少開自動波車)所帶來的緊張忙亂心情下, 步步小心地把車駛離陝窄行于廻行車路的停車場,離開NICE往首站AIX-EN-PROVENCE進發。其實當時出了一些事關於朋友的GPS, 因為打算用來給GPS的充電器插頭不能連接車子的插座, 於是充不到電。還好當時GPS充满電, 於是先擱置它不理,專心上路去。經過多次行錯路和誤把水撥當成行車指示燈, 開始習慣要左右倒轉, 然後又慢慢領悟到如何讓自動波車轉波和使用+-波。之後上到HIGH WAY,我仲可以行到130KM/HR, 這刻心情好暢快。就在HIGHWAY路段,因為路標很明顯,便叫領航朋友先關掉GPS以備後用。兩個多小時後快到AIX-EN-PROVENCE時, 便叫朋友打開GPS那一刻, 才知她其實並沒有真正關掉GPS,只是BEAM了個屏幕, 所以GPS已經快沒有電,心情一下子跌到谷底。好在當時已到達市中心, 當機立斷泊好車再想辦法。下了車, 行到INFORMATION CENTRE遇到一位美麗的工作人員, 我問她可否幫我們的GPS 充電, 她一口答應。於是我便把GPS 給她充電,好讓下一站B&B時GPS有電用。 雖然總算解決去下一站問題,可以安心去吃中午和遊舊城區, 但其實長路漫漫,, 之後几天的長車又如何解決充電問題, 我心裡都沒有底。 我個人較喜歡獨個兒逛,便和其他人約好集合時間地點後進行自己遊。當要集合了,我便去取回GPS和回到泊車集合地點,到達時發現自己先到, 反正那時等人,我便趁機摸下部車,熟習車上其它設備。當中有一個DISPLAY一直在行車都有留意,只是無機會用,於是我便嘗試用它, 做開IT真好, 模几下發現它是一台GPS, 英文語言。這是真正的第二件奇妙事件, 我帶來的GPS用不到, 無意升級的車上有GPS供我使用。往後的行程, 全靠這台車和車上的GPS, 把我們帶我們住的Châteaurenard小村 B&B, Abbeyee, Gordes, Rousillion, Avignon, Ponte du Gard, Chateauneuf de Pape, Puisseguin (Chateau de Roque) B&B, Saint Emilion, Pauilliac (Lynch Barge Vineyard) 和Bordauex。 這次奇妙經歷在旅程中我不斷地思考,我深信這是從 神而來的恩典,而這恩典係好貼身, 係超乎我能預見的,又夠我使用。
旅途中有很多開心事, 好似我用几EURO就買了一枝好好飲的DESERT WINE; 又在B&B和莊園的戶外吃晚餐, 飲了白酒和紅酒, 並且有夕陽為伴。在高速和鄉村小路開車可以很快,130KM/HR和80KM/HR( 再加少少快,嘻)! 加上沿途看一大遍的葡萄園和太陽花田,以及成功挑戰開車七小時\(當中休息過三次)好走了6XX公里的路,我個人好有滿足感之餘,其實心裏感謝 神, 衪保守了我們一路平安。
行程最後一站是巴黎,又是留三晚。我們住的酒店雖然不算靚, 但地點在市中心, 又近METRO, 而晚上回去時都很平安。在花都參觀了LOURVE, 凡爾賽、TRIUMPH, 聖母院, EFFIEL, 聖心教堂、LAFFIE (老佛爺, 女仕必到)、巴士城市遊和賽納河船河。感覺三天其實玩唔哂巴黎, 但都要走人了。最後, 由酒店行5分鐘到機場巴士站坐ROSSY 去CDG,法國之行便完結。在臨離開巴黎前, 女仕們還熱衷最後一刻的購物, 我就在路邊吃了一個牛排午餐, 飲了一枝4EURO的PERRIER,和一杯ESPECIAL, 比著平時我一定唔會咁豪, 但來到巴黎, 都要試下當地人寫意的路邊進餐。
整個行程大部份日子都是陽光普照, 唯一有落雨的日子就是長車程的那天, 當時我們在車上, 所以沒有影響行程。
這次法國旅程, 我深刻地體驗向 神祈求, 體會到 神的恩典作為, 又學習要存感恩的心去感謝 神。盼望分享能使大家都可以感受到我這份心情, 明白到我所喜悅的。更盼望有一天可以用我們的生命去榮耀 神。 May 31
有人說: 和平的愛上恩慈; 喜樂的愛上了仁愛;又有信實的愛上一位良善;也有忍耐的愛上另一位良善。哪,餘下的信實可會愛誰,是溫柔麼? 是和平麼?是節制麼?
這人又說:其實不用多猜! 因為,大家在靈裡就是彼此相愛的,而愛卻是從 神而來的。
聖經就是 愛我們的 神留給我們的。
March 21 牧師曾經在團契問過我地, 我地同神有几遠距離, 我話我唔知,牧師回覆係一個禱告的距離。
一位姊妹在另一次團契問過我地, 我地同人有几遠距離呢, 我話我唔知, 姊妹回答說, 咪係一個 微笑的距離。
咁如果我說我和澳洲距離有1分的距離 咁你又知唔知點解?
(有時本來好遠, 其實只是近在咫尺;有時以為很深的洪溝, 其實可能一步就可以跨過)
事原今年澳洲DARWIN又舉行ARAFURA運動會, 澳門每次都會參加, 當中有很多項目, 其中一項是壁球。由於今年有三個男子運動員名額, 以我現時的排名是可以去爭取的,所以過去我都好努力去練習, 希望在我運動員生涯的黃昏階段, 去體會一大伙人代表特區比賽。上兩個星期進行了四月在高雄舉行的八地賽甄選, 但其實以我看來其實就是ARAFURA的甄選。當日比賽有三個人,但 我知道只要打勝其中一人就可以保證去到比賽, 因為另一位選手要考畢業試, 他是不能去的。比賽第一局我勝了, 第二個打到10:6 賽分時, 我欠1分就心願達成, 但年紀大掌握唔好, 最後連輸兩局, 被淘汰了。而去ARAFURA的機會, 將給予這位年青對手, 所以我在小組分享時, 我就講了我和澳洲只有1分的距離,只差1分我就能達成心願。有人問過我係咪好唔開心, 我回覆我沒有, 因為我只少每一個對手都取得一局, 而且一個仲打到好接近, 無耐年几唔少, 好多事都唔可以強求。
(究竟什麼驅駛我去做,我唔知,但我很樂於曾經去做過, 無論成功或失敗。)
今個星期一, 總會打電話俾我, 叫我帶隊去ARAFURA, 我即時答應, 即使沒有得比賽, 能夠參與當中, 也是一件美事。而且可以免費出埠, 更合我意。很忙去看章程和準備資料交上體發局, 人員名單果然沒有估錯, 真係另外個位青年球員以第三名選手入選, 而我就第一次學人帶隊出埠。我係度想, 現在已經不錯, 但心裡還是想可以打到一兩場就更好。在看章程時, 發現團賽可以報5名球員, 每場出3名, 由於我地只出3名球員, 我就建議體發局不如團加埋我, 咁至少可以有一位做後備。由於體發局未知可否, 建議不如我去到時問賽會可否加名,我都覺得可以試下。但當我看到規則說明4月10日前要交人名, 恐怕去到時未必可以, 但規則中附有負責人員的電郵和移動電話。於是我就電郵查詢, 一天後沒有回覆,今天我就發SMS問賽會項目負責人。不多時對方回覆是可以的, 於是第一時間通知體發局, 說明賽會接受領隊可以做球員打, 他們得悉後說會安排跟進。現在一切都在等候中,但看來成功機會都不少。相信至少1到2場比賽,應該可以有得打的,那時就可以一嘗心愿。
有時你身處境況未必係你所想, 但係一天你終發覺恩典在你身上時, 真係超乎你所想! 所以, 我今次體會了恩典其實一早已經為你預備, 只係我地未領略, 未發覺, 當局者迷, 只有跳出局中, 回過頭來, 才可以看得清楚。
(There’s a dawn in every darkness, bringing hope to you and me.Unrevealed until its season, something God alone can see.)
最後, 我有一個視象, 神係咪叫我要去準備, 將來有更多機會去帶隊出外, 更加要裝備自己去為主作見證, 傳福音。有時, 你感受的我未必感受到,同樣 我感受的你未必感受到, 但我明白, 無論我們的境況如何, 指向都係一樣。
(Amazing Grace, how sweet the sound,That saved a wretch like me,I once was lost but now am found,Was blind, but now, I see.)
December 05 今年好感恩,硬眼的舊教會網頁終於在弟兄姊妹努力下換左。又好感恩,雖然無BUDGET又唔識,做到個人死下死下, 但最後有GISBAT幫手完成左104週年個VIDEO, 仲學識左點用剪片工具。又好感恩,年頭有位姊妹身體唔好,現在精神奕奕,明艷照人。十分感恩,傷患嚴重左但仲可以繼續比賽,唔駛退下來。 真係要感恩,金融海嘯使我損手爛腳, 但我還可以去到旅行, 仲有飯開。最想感恩,縱然還經歷不少灰心又講不出的事,多謝 耶穌和我一齊行,讓我走下去,讓我經歷要用信心去等候,忍耐,盼望 衪為我作最好的預備。 April 18 最近我又妙想天開, 發現了用18這個數字去代表自己的年齡。點代表呢, 好簡單, 就係 三六一十八, 我今年18咋。
紅顏細我五年, 我就同佢講你今年20咋, 點計出來, 就是二九一十八 再加2, 咪20。又如知己就係18, 不過几個月後都19。
所以譚詠麟話自已25, 其實可能係五五二十五。 February 12 有朋友A小姐問我, 說:基督徒係咪唔會衝紅燈? 我果時剛衝過黃燈
我答佢: 正常人都唔應該衝紅燈。
......
A小姐又問:"基督徒係咪特別好D"
我回答A小姐:
其實基督徒都係人, 唔係特別聖潔, 會做錯事, 會犯罪。
唯一不同係我地的罪有神赦了。
但唔代表我貪了8億, 可以FREE出來。
之後我地講左其他野,沒有再講了。 但我自己回家後, 想想下, 有一個結論:
我這個基督徒地唔係聖潔, 我地都會錯, 但神郤要使我地聖潔, 要我地知錯能攺
然而,我地會一錯再錯, 但神又會讓我地知錯悔攺,
這就是與人不同的地方
我只係一個凡人啫, 難道我無情慾愛恨貪癡咩?
但我有一份心去持守自已, 而這個心裡正是 神所居中!
January 11 最近, 無無聊聊的我俾左自己一個問題, 究竟活著為左乜?
我想我唔係要賺大錢去過吃鮑參翅肚, 買愛瑪仕, 住別墅和 開靚車生活;但我亦唔係個種清高到話食豆腐青菜就滿足, 視金錢為萬惡的人。我只係無興趣為跟從世人要過太多物質的生活而去做無謂的事情。然而,如果可以買到價廉物美又合我用的東西, 偶爾享用美味的食物,出外旅行看看這個世界和能體驗不同生活, 我都會几開心。就好似我從前寫過名信片俾一位朋友,講 "我做人好簡單, 有杯咖啡飲都好夠, 但多件cake食就更好"。所以講, 我都係想過有物質的舒適生活, 只係唔想太多, 以免反變成它們的奴僕。
係呢!唔知有冇人想知我點解會咁無聊問自己呢個問題?如果有, 我會咁答佢: "無他, 因為我就係咁無聊"。無聊到想同大家講, 我實在盼望, 追求過的生活就是平安、富足、並有喜樂和愛的生活。
一個人真正的平安, 我想不單止係個人自身安,其實內心都平安,更重要。倘若你無掛慮, 就會瞓得好, 有精神去學習和做運動, 練好體能接受比賽。有乜比賽先, 簡單啦, 就同以前的自己比賽, 一天比一天好, 咁唔好咩? 富足生活當然係自己覺得足夠並有餘啦, 點為之夠唔夠, 我覺得好睇自己了,各人有各人的量器。不過我唔同意夠左就唔再要, 聖經都講:"凡有的,還要加給他,沒有的,的連他手中的也要奪過來", 唔通神俾野我,我say no咁蠢呀。當人心平安, 生活富足後, 倘若能不貪圖別人財產, 不妒嫉人又不再埋怨自己缺乏, 自然就會常常喜樂。其實我講咁多, 都係想帶出一個字"愛", 這個愛字使徒保羅在聖經哥林多前書13章4至8 節講得好足夠, 係信望愛中最為重要。而且在律法書中最重要的兩個誡命都係講愛. "我們要盡心、盡意、盡性愛主你的神, 其次也相仿, 就是愛人如己"。牧師成日都會祝福教友得 主耶穌基督, 父上帝和聖靈的愛, 並與 衪們同在, 而 神愛我, 咪把平安、富足和喜的生活俾左我。咁講, 我咪過緊, yes, 哇!
若真的是, 我還要 追求, 我唔係唔知足, 只係諗假如 神喜悅並再加給我, 梗係好到無得頂啦!
|
|
|
|
Tools 
Help
